నిత్యం ఆరాటమే : - తాతోలు దుర్గా చారి.-తెలంగాణ సాహితి -భద్రాచలం.

కన్ను తెరిస్తే జననం... 

కన్ను మూస్తే మరణం..... 

నడి మధ్యనే నాటకం..... 

జరిగేదంతా..బూటకం....  

ఏడుస్తూనే పుడతారు... 

ఏడుస్తూనే గిడతారు..... 

పుట్టింది మొదలు- ఎందుకో 

మనిషికి నిత్యం ఆరాటమే. 

అలుపెరుగని పోరాటమే.... 

అంతుపట్టని మనిషి తత్వం 

అర్ధం లేని మనస్తత్వం.... 

మనిషి బుద్ధే చపలత్వం.. 

నిలకడ,నిశ్చలత లేనేలేవు 

ఎక్కడో పుట్టి,మరెక్కడో పెరిగి ,ఇంకెక్కడో గిడతాడు. 

ఇదేనా చిద్విలాసం...???

నిశ్చలత లేని మనిషి తత్వం కూడా అధోగతి..! 

మనిషి ఎదగాలి..ఎదిగే కొద్దీ  

ఒదిగి ఉండాలి..! 

అపుడే మనిషి తత్వం మహోన్నతమౌతుంది..! 

అపుడు నిత్యం ఆనందమే!! 

********