దశరథుడు కౌసల్యా మందిరమును ప్రవేశించి విలపించుట : - ఎడ్ల లక్ష్మి సిద్ధిపేట

దశరథమహారాజు బాధతో ఇలా అంటాడు 

ఓ కౌసల్యా! రాముడు అడవికి చేరినాక 

నేలపై పడుకుని రాతిని తల కింద పెట్టుకొంటాడు 

నదిలోన చన్నీటి స్నానమును జేయును 

సుకుమారమైన జనకుని కూతురు సీత

వనమున క్రూర మృగముల అరుపులకు 

భయముతో వణుకుచూ నిద్రపోదేమో 

కైకతో ఆ తల్లికి ఎంత కష్టము వచ్చెను

ఓ కైకేయీ! నా రాముడు లేకుండా నేను జీవించలేను 

అప్పుడు నీ కోరికలన్నియు తీరును 

ఈ రాజ్యమున నీవు విదువవైయుండుము

భరతుడు కూడా నిన్ను క్షమించడు

కౌసల్యా మందిరమునకు నన్ను గొనిపొండు

ద్వార పాలకులు దశరథ మహారాజను 

కౌసల్య మందిరమునకు తీసుకెళ్లినారు 

ఆ రాత్రి అతనికి కాళరాత్రిగా గడిచెను 

మధ్య రాత్రి నిద్ర లేచి దశరథ మహారాజు

కౌసల్యా దేవితో ఇలా అంటాడు 

కళ్ళు మూసిన తెరిచిన రాముని రూపమే 

అతని మాటలు విని కౌసల్యాదేవి శోకిస్తుంది .

============================

అయోధ్యకాండము నందు 42వ సర్గ సమాప్తము 🙏🏻