వెన్నదొంగ: - యామిజాల జగదీశ్

 వెన్న దొంగిలించిన కృష్ణుడి ప్రేమమయ బాల్యం
లోకమంతా ఆయనను వెన్నదొంగ అల్లరి వాడని పిలుస్తుంది. కానీ, ఆ అల్లరి వెనుక కొలవలేని ప్రేమ, అనంతమైన కరుణ దాగి ఉన్నాయి.
రేపల్లె ఇళ్లల్లో పెరుగు, వెన్న దొంగిలించి తిన్న చిన్నారి కృష్ణుడు, నిజానికి వెన్నను కాదు, భక్తుల హృదయాలనే దోచుకున్నాడు.
కృష్ణుడు, ఆయన స్నేహితులు అందరూ కలిసి కూర్చున్నారు. వెన్న తిని ఆనందించిన ఆ మధుర క్షణాలు బృందావనాన్ని పరమానందంలో ముంచెత్తాయి. ఆ దైవీక బాలలీలలను చూడటానికి, దేవతలకు సైతం ఆకాశం నుండి కిందకు రావాలనిపించింది.
ఆ అమాయకపు నవ్వు, 
ఆ అల్లరి చూపు, 
ఆ ప్రేమపూర్వక లీలలు 
ఇప్పటికీ కోట్లాది మంది భక్తుల మనసులను రంజింపజేస్తూనే ఉన్నాయి.
వెన్న దొంగిలించిన కృష్ణుడు మన మనసుల్లో ఉన్న అహకారాన్ని దొంగిలించి, దానికి బదులుగా పవిత్రమైన భక్తిని, పరమానందాన్ని నింపాలి.