100వ సర్గ : - ఎడ్ల లక్ష్మి -సిద్దిపేట

ఓ భరతా! రాజనీతిశాస్త్రమును అనుసరించి 

నలుగురు, లేక ముగ్గురు మంత్రులతో

విడివిడిగా గాని అందరితో గాని 

రహస్య ఆలోచనలు చేయుచున్నావా?

నాయనా! వేద శాస్త్ర ధర్మములను యెరిగి

నీవు కృతజ్ఞుడవు అవుతున్నావా? 

నీ భార్య అనుకూలవతిగా మెదులుతుందా? 

నీలోన సద్గుణములను పెంపొందిస్తుందా? 

ఓ భరతా నేను చెప్పినట్టి బోధనలను 

ధర్మముతో నీవాచరించుచుంటివా? 

నేను చేసిన బోధనలు జీవితంలో 

నీకు తప్పకుండా ఉపయోగపడును .

నాయనా! మన తండ్రి తాత ముత్తాతలును

ఆచరించిన ధర్మమును పాటించుచు 

నీవు రాజ్యపాలన వొనర్చుచున్నావా?

అదే సత్పురుషులు ఆచరించవలసిన ధర్మము. 

 

ఆత్మజ్ఞానీయై న్యాయ దండము చేబూని

ప్రజలను ధర్మబద్ధంగా పాలించినచో

సమస్తభూమండలము అతనికి వశమగును.

ఆ ఫలితముగా అతడు తనువు వీడినపిదప స్వర్గము చేరును.

========================================

అయోధ్యకాండమందు 100 వ సర్గ సమాప్తము.🙏🏻