శ్రీరాముని అయోధ్యకువచ్చి రాజ్యాధికారమును చేపట్టమని భరతుడు, అభ్యర్థించుట
శ్రీరాముని మాటలిని భరతుడు ఇట్లంటాడు
అన్నా! నిన్ను సేవించుటయే నా ధర్మము
ఆ సేవకు నేను దూరమైనప్పుడు
నాకు రాజ్యధర్మములతో పనియేమి?
ఓ నరోత్తమా! రాజ!కుమారులలో
పెద్దవాడుండగా కనిష్టుడు రాజుకాజాలడు
మనవంశమున పరంపరగా వచ్చుచున్న
స్థిరమైన ధర్మము ఇదియే కదా!
మన తండ్రి అశ్వమేధ యజ్ఞములను చేసి
సత్పురుషుల గౌరవములను పొందినాడు
నేను కేకయరాజ్యమున ఉండగా
నీవు అరణ్యము చేరిన పిమ్మట
నీ ఎడబాటు కారణముగా స్వర్గస్తుడైనాడు
ఓ పురుషోత్తమా! అగ్రజా! లెమ్ము
తండ్రికి తిలోదకములను సమర్పింపుము
నేను శత్రుజ్ఞుడు పితృతర్పణములను చేసితిమి
మన తండ్రికి నీవు ప్రియపుత్రుడవు
మహారాజుకు ప్రాణతూల్యుడవు గదా?
మన తండ్రి నీ ఏడబాటు కారణముగా
విలవిలలాడుచు పరమపదించెను.
=================================
అయోధ్యకాండమందు 101టవ సర్గ సమాప్తం.🙏🏻
addComments
కామెంట్ను పోస్ట్ చేయండి