105వ సర్గ (2) : - ఎడ్ల లక్ష్మి -సిద్దిపేట

ఓ భరతా! నీవు ఆత్మోర్ధణను గూర్చి ఆలోచించు.

ఇతరులకై ఎలా విచారపడెదవు

ఎవరైనను నిలిచియున్నను, సాగిపోవుచున్నను

అతనిఆయువు క్షీణించుచునే యుండును

ఈ లోకమునందు ఏప్రాణి అయినను

జననమరణములను తప్పించుకోజాలరు

మరణించిన వారికై శోకించేవారు

ఎంత కాలము ఉంటారు ఎవరు తెలుపగలరు?

ఓ భరతా! పుణ్యాత్ముడైన ఆ మహారాజు

పదునాలుగు సంవత్సరములకాలము

వనములో నివసింపుమని నన్ను ఆదేశించెను

నేను తండ్రి ఆజ్ఞప్రకారం ఇచ్చటనే యుండెదను

నాయనా! శత్రుసంహారకా! నా మాట వినుము

తండ్రిగారి శాసనమును ఉల్లంఘించలేను

దానిని త్రికరణశుద్ధిగా తలదాల్చెదను

ఆయన ఆజ్ఞను నీవు గూడా పాటింపుము

ఓ భరతా! తండ్రి వాక్కును దృష్టిలో పెట్టుకొని

రాజ్యభారమును వహింపుము"

భరతునకి తండ్రి ఆజ్ఞ పాటించమని

శ్రీరాముడు తమ్మునికి దెలిపి మౌనము పాటించెను.

====================================