భరతా! ఆయన ఆజ్ఞతో బద్దుడనై
నేను సీతాలక్ష్మణ సహితుడనై
ఈ నిర్ణయమునకు వచ్చితిని
ఈ విషయమున నేను ఎవరి మాటను వినను
ఓ భరత నా మాటను పాటించి
కైకేయిదేవి రుణము నుండి తండ్రికి విముక్తిని కలిగించు
ఆయనకు నరక ప్రాప్తి లేకుండ చేయము
ఇట్లు జేసి తల్లిని గూడా సంతోష పెట్టు.
వీరుడవైనా ఓ భరతా! శత్రఘ్నునితో గూడి
ద్విజులు మున్నగువారితో అయోధ్యకు వెళ్ళుము
కోసలదేశ ప్రజలను కన్నబిడ్డలవలె గాంచి
ప్రజలు మెచ్చేరాజ్యపాలన జేయుము.
ఓ భరతా! నీవు ప్రజలకు ప్రభువు గమ్ము
నేను సమస్తవన్యమృగములకు రాజునవుతాను
నీవు ఇప్పుడే అయోధ్యకు వెళ్ళుము
నేను దండకారణ్యములో అడుగిడుదును.
ఓ భరతా! బుద్ధిమంతుడైన శత్రఘ్నుడు
ఎల్లవేళలా నీకు తోడుగా యుండును
సుమిత్ర సుతుడైన లక్ష్మణుడు నాకు తోడు
భరతా ఇక నీవు దుఃఖింపకుము.
================================
అయోధ్యకాండమందు 107 వ సర్గ సమాప్తము.🙏🏻
addComments
కామెంట్ను పోస్ట్ చేయండి