స్వయం సమృద్ధే శ్రేయస్సు: - -యేచన్ చంద్ర శేఖర్-✆ 8885050822

ఉచితాలన్నవి సదా బద్ధకాన్ని పెంచే పథకాలు 

రాజకీయపు జూదంలో మోసపు టెత్తులు 

ఉచితాలమాటున పొంచియున్న అనర్ధాలు 

సామాన్య ప్రజలకివి అర్థం కాని సుడోకోలు 

ప్రజలను పరాన్నజీవులుగా మార్చే సాలెగూళ్ళు 

ఉచితాలు కావెన్నడు స్వయం సమృద్ధి పథకాలు 

నైపుణ్యపు తల్లివేళ్ళను పెకలించు పన్నాగాలు

పూర్తిగా మేధస్సును మొద్దుపరిచే ప్రణాళికలు

వెనిజులా ఆర్థిక వ్యవస్థను దెబ్బతీసెనుగ ఉచితాలు 

అది చూసైనా తెలుసుకోవాలనుకోరు మన ప్రజలు 

యువశక్తే మన దేశానికి తరగని సిరిసంపదలు 

సద్వినియోగ పరచుకుంటే మనకు కలుగునెంతో మేలు 

శాస్త్ర సాంకేతిక పరిశోధనలకు వెచ్చించాలి అధిక నిధులు 

విధానాల రూపకల్పనలో రావాలి సమూలమైన మార్పులు 

సంక్షేమ పథకాల ఎంపికలో వహించాలి తగు జాగ్రత్తలు 

అవేగా ప్రజల జీవన ప్రమాణాలను మెరుగుపరిచే బాటలు 

విద్యావ్యవస్థలో చేపట్టాలి ప్రగతిశీలవంత విధానాలు 

మేధస్సుకు ఇవ్వాలి ప్రాముఖ్యత, అండదండలు 

సంఘటిత కృషి మనదైతే అభివృద్ధికి ఉండవు ఏ అడ్డంకులు 

అప్పుడు మన దేశం అందుకుంటుంది ప్రపంచ దేశాల నీరాజనాలు