మహేంద్రజాలాసుపత్రులు : - అంకాల సోమయ్య -దేవరుప్పుల -జనగామ -9640748497

కడుపులో స్వల్పమైన 

నొప్పి అంటే

స్టమక్ ఎండోస్కోపీ అంటూ హంగామా 

బ్లడ్ యూరిన్ టెస్టులు

అన్నీ రిపోర్ట్ లు

నార్మల్ అని 

కొండను తవ్వి ఎలుకను పట్టిన చందంగా 

జలగల్లా పట్టిపీడించే రక్తం రుచి మరిగిన రాకాసి వైద్యోత్తములు

కార్పోరేట్ ఆసుపత్రుల్లో

నిలువు దోపిడి చేసే

మాయా మాంత్రికులు 

రోగమే కార్పోరేట్ ప్రపంచానికి సౌభాగ్యయోగమై

మూడు పువ్వులు 

ఆరుకాయలుగా సాగే

ప్రిస్క్రిప్షన్ దోపిడీ వ్యవసాయం 

ఔషధాల్లో దోపిడీ మంత్రం 

అడుగడుగునా దోపిడీ సూత్రం

 వల్లె వేయడం 

మధ్యతరగతి పేదప్రజలను

దివాళా తీయించు

దళారీ వ్యాపార కేంద్రాలు

వైద్యంనాణ్యత దేవుడికెరుక

మత్తులో రోగి నుంచి

విలువైన అవయవాలు మాయం చేయు ఇంకొన్ని 

మహేంద్రజాలాసుపత్రులు

తస్మాత్ జాగ్రత్త 

సోయితోలేకుంటే గయాబ్ చేస్తారు 

కిడ్నీలు

హూషార్ రహో 

నహీహైతో సోబ్ లూఠీ కర్ తా