వసిష్ట మహర్షి భరత శత్రుజ్ఞలను ఓదార్చుట : - ఎడ్ల లక్ష్మి -సిద్దిపేట

తండ్రిని కోల్పోయితిని అన్నకు దూరమైతిని 

ఇక్ష్వాకు మహారాజులు పాలించిన 

ఈ అయోధ్య పాడుబడి పోయెను 

ఇక నేను అయోధ్యలో అడుగుపెట్టను 

నేను జీవించను అగ్నిలో ప్రవేశించెదను 

భరత శత్రాజ్ఞుల శోకమును జూచి

వసిష్టమహర్షి భరతునితో ఇట్లంటాడు 

మీరిప్పుడు దుఃఖించే సమయము కాదు 

 

ఓ భరతా! మీ తండ్రి గారి అస్థికలను 

అస్తసంచయనము చేయల్సి యున్నది 

అందులకు ఆలస్యము చేయుచుంటివేల?

ఆ కార్యములను తొందరగా నిర్వర్తించుము 

ఓ భరతా! ఆకలిదప్పులు, శోకమోహములు, 

జననమరణములు,అను ఈ మూడు ద్వంద్వములను 

సమస్తప్రాణులు పొంది తీరవలసినదే

ఈ విషయమున ఇట్లు శోకించుట తగదు 

భరతశత్రేజ్ఞులు ఊరట చెందినవారై 

వారు పురోహితుల చెంతకు చేరినారు

అస్తిసంచయనాది కార్యములను 

వారిచే అమాత్యులు పూర్తి గావించరి. 

===========================

అయోధ్యకాండమందు77వ సర్గ సమాప్తము🙏🏻