ప్రపంచంలోనే చివరి తెల్ల జిరాఫీ!: - - యామిజాల జగదీశ్

 కెన్యా ఈశాన్య ప్రాంతంలో, సోమాలియా సరిహద్దుకి దగ్గరగా ఒక జిరాఫీ ఉండేది. ఇది మిగిలిన జిరాఫీల కంటే పూర్తిగా వేరైన రూపంతో కనిపిస్తుండేది. 
దీని శరీరం దాదాపు తెల్లగా ఉండటానికి కారణం “ల్యూసిజం” (Leucism) అనే అరుదైన జన్యు స్థితి. ఇది శరీరంలో రంగును (పిగ్మెంట్) తగ్గిస్తుంది. కానీ కళ్ల రంగును మాత్రం ఏమీ చేయదు.
ఆల్బినిజం (అల్బినిజం) లాగా శరీరం మొత్తం రంగును పూర్తిగా తీసివేయకుండా, ల్యూసిజం కొన్ని భాగాలలో మాత్రమే రంగు తగ్గడానికి కారణమవుతుంది. 
ఈ అరుదైన జిరాఫీ కెన్యాలోని గరిస్సా జిల్లా ఇషాక్బిని హిరోలా కమ్యూనిటీ వన్యప్రాణి సంరక్షణ ప్రస్తుతం జీవి స్తోంది.
2020 మొదట్లో జరిగిన ఒక విషాద సంఘటన దీని జీవితాన్ని మరింత ప్రాధాన్యతగా మార్చేసింది. వేటగాళ్లు అక్కడ ఉన్న మరో రెండు తెల్ల జిరాఫీలను చంపేశారు. అందులో ఒక ఆడ జిరాఫీ, దాని ఏడు నెలల పిల్ల ఉంది. 
దాంతో ఈ మగ జిరాఫీ ప్రపంచంలో తెలిసినంతవరకు చివరి తెల్ల జిరాఫీగా మిగిలిపోయింది. 
దీని రక్షణ కోసం 2020 నవంబరు 8న సంరక్షణ సిబ్బంది దీని శరీరానికి GPS ట్రాకింగ్ పరికరాన్ని అమర్చారు.
దీని కొమ్ము మీద ఉన్న ఈ పరికరం ప్రతీ గంటకూ దీని చిరునామాను సిబ్బందికి పంపుతుంది. దీనివల్ల దీని కదలికలను కనిపెట్టడంతో పాటు ఏదైనా ప్రమాదం వస్తే త్వరగా స్పందించడానికి వీలవుతోంది.
ఇది బతకడం అనేది కేవలం ఒక జంతువు కథ మాత్రమే కాదు. 
అక్రమ వేట, నివాస ప్రాంతాలు పాడవటం, మనుషుల కార్యకలాపాల వల్ల ఆఫ్రికా అంతటా జిరాఫీల సంఖ్య బాగా తగ్గిపోయింది.
ఈ తగ్గుదలను వన్యప్రాణి ప్రేమికులు “నిశ్శబ్ద వినాశనం” అంటారు. ఎందుకంటే అంతరించిపోతున్న మిగిలిన జంతువులకు దక్కే ప్రాధాన్యత జిరాఫీల పరిస్థితికి దక్కడం లేదు.
ప్రపంచమంతా దీని గుర్తింపు ఈ అరుదైన జిరాఫీకి ఇంకా పేరైతే పెట్టలేదు. 
వన్యప్రాణి సంస్థలు, రక్షణ సిబ్బంది సాయంతో దీని ప్రాణాలను నిరంతరం కొనసాగిస్తూనే ఉన్నాయి.
ప్రపంచం కోల్పోకూడదని గుర్తుచేస్తున్న ఒక అరుదైన జన్యు అద్భుతం ఈ తెల్ల జిరాఫీ. ప్రకృతిలో ప్రతీ ప్రాణీ కాపాడుకోవాల్సిన నిధే!