చిన్నారి ధైర్యం : - యామిజాల జగదీశ్

 

4 ఏళ్ల ఒక చిన్నారి అన్న మాట... ఈరోజు భారతదేశం అంతటా మార్మోగిపోతోంది 
అరుణాచల్ ప్రదేశ్, ఇటానగర్‌కు చెందిన 4 ఏళ్ల ముద్దుల పాప ఖార్గా డింగిల్ గోంగో. వయసు చిన్నదే కావచ్చు, కానీ తను చెప్పిన మాట పెద్దవాళ్లకు కూడా ఒక మంచి పాఠంలా అనిపించింది.
"నన్ను చైనీస్ అని పిలవకండి, నన్ను ఇండియన్ అని పిలవండి" అన్నదే ఆ చిన్నారి మాట.
తన రూపాన్ని చూసి కొందరు హేళన చేసినప్పుడు, ఏమాత్రం భయం లేకుండా చాలా బలంగా చెప్పింది ఈ చిన్న దేవత.
ఇది కేవలం ఒక పాప కోపం మాత్రమే కాదు. ఈశాన్య భారతంలో ఉండే మన సోదర సోదరీమణులు ప్రతిరోజూ ఎదుర్కొంటున్న సమస్యపై ఒక పెద్ద ప్రశ్న.
భారతదేశం అంటే రకరకాల రూపాలు, భాషలు, సంస్కృతులు ఉన్న ఒక అందమైన తోట. మన ఈశాన్య రాష్ట్రాలు ఆ తోటలో చాలా ముఖ్యమైన పూలు. ఒకరి రూపాన్ని చూసి వారిని అంచనా వేయడం తప్పు. ప్రతి భారతీయుడికి గౌరవం, గుర్తింపు, నేను కూడా ఈ మట్టికి చెందిన వ్యక్తినే అనే భావన దక్కాలి.
4 ఏళ్ల ఈ చిన్నారికి ఉన్న స్పష్టత మనందరికీ ఉండాలి. ఈ పాప ధైర్యాన్ని నిజంగా మెచ్చుకోవాల్సిందే.