1వ సర్గ ( 2 ): - ఎడ్ల లక్ష్మి , సిద్ధిపేట

భూతభవిష్యత్తులను దర్శింపగల ఆ మహర్షులు

తమ కడకు వచ్చుచున్న రామలక్ష్మణులను 

మహాసాద్వియగు సీతాదేవిని దర్శించి 

మిక్కిలి సంతోషముతో వారికి ఎదురు వెళ్లినారు. 

వనవాసులైన ఆ మునులు శ్రీరాముని సౌందర్యము చూసి 

ఆశ్చర్యచక్కితులై దర్శించిరి.

అద్భుతసౌందర్యమూర్తులైన సీతా లక్ష్మణులను 

ఆ మునులు కనురెప్పలార్పకుండా జూచిరి. 

మహాత్ములైన ఆ మునులు సీతారామలక్ష్మణులకు

ఆశ్రమ సముదాయమున పర్ణశాల యందు 

అతిథి మర్యాదలతో నివసింపజేసిరి.  

ఆర్ఘ్యపాద్యాధులతో శ్రీరాముని సత్కరించిరి.

మహాత్ముడైన శ్రీరామునకు ఫలములను సమర్పించి

ఓ ప్రభూ! ఈ ఆశ్రమము మీదే అని తెలిపినారు

ఓ రామా! మునులందరికీ శరణ్యుడవు 

మేము నీ రాజ్యమున నివసించుచున్న వారము 

ఓ రఘురామా! శత్రువైన క్రోధమును పరిత్యజించితిమి

జితేంద్రియులము తపస్సులే మా సంపదలని దెలిపి 

అగ్నివలె తేజస్సంపన్నులైన ఆ సిద్ధులు

శ్రీరాముని తమ సేవలతో సంతుష్టుని గావించిరి. 

====================================

అరణ్యకాండమునందు ఒకటవ సర్గ సమాప్తము 🙏🏻