10 వ సర్గ : - ఎడ్ల లక్ష్మి

తాను ప్రతిజ్ఞాభంగమునకు పాల్పాడను". అని శ్రీరాముడు సీతాదేవికి స్పష్టపరుచుట 

సీతాదేవి పలికిన పలుకులను విని

శ్రీరాముడు ఆమెకు ఇట్లు ప్రత్యుత్తరమిచ్చెను 

ఓ దేవీ ! నీవు మహోన్నతమైన 

జనకరాజు వంశమును జన్మించినావు. 

ఓ సీతా! నీవు ధర్మాత్మురాలవు

నాపై నీకు గల అనురాగము గాఢమైనది

అన్ని విధముల సదావేళలలో నీవు 

నా హితము గోరుచు వచించితివి.

ఓ దేవీ! క్షత్రియులు ధనుర్దారులైయున్న చోట 

ఆర్ధనాదము వినబడరాదని నీవే అంటివి 

నీవు పలికిన మాటలు నేను వింటిని

ఇక నేను చెప్పవలసినది ఏమున్నది

ఓ సీతా! దండకారణ్యమునందు 

దీక్షతో తపస్సొనరించుచున్న

ఆ మునులు ఆర్తులై స్వయముగా వచ్చి 

నన్ను శరణుజొచ్చిరి వారి రక్షణ నా బాధ్యత

వారు కందమూలములను భుజిస్తూ 

ధర్మనిరతులై జీవించుచున్నారు 

క్రూరాత్ములైన రాక్షసులు పెట్టు బాధలను 

తట్టుకోలేక భయగ్రస్తులై యున్నారు.