1 సర్గ : - ఎడ్ల లక్ష్మి -సిద్దిపేట

సీతారామలక్ష్మణులు దండకారణ్యములోని  మునుల ఆశ్రమమున ప్రవేశించుట. 

తిరుగులేని మహావీరుడు ఆ శ్రీరామచంద్రుడు

సామాన్యులు అడిగిడుటకు అసాధ్యమైన 

దండకారణ్యమునందు ప్రవేశించెను 

అచట అనేక మునుల ఆశ్రమములు కనుబడెను

వారికచట దర్భలు, నార చీరలు కనబడుచుండెను 

మునులు వేదపఠణములు గావించుచుండిరి 

ఆ ఆశ్రమములు సురక్షితమైన నివాసభూమి 

ఆ ప్రాంగణములన్నియు స్వచ్ఛముగా నుండెను 

అచట మృగములు పక్షులు హాయిగా జీవించుచుండెను

పవిత్రమైన ఆ ప్రదేశమున అప్సరసలు దైవసేవలో 

ప్రతి దినము నృత్యము లోనర్చుచుండిరి

అచ్చట యజ్ఞశాలలు అతి విశాలముగా ఉన్నాయి.

ఆ ఆశ్రమసమూహము భూతలములచేతను 

వైశ్వదేవాది హోమములతో పునీతమైనది.

వేదఘౌషలతో ప్రతిధ్వనించుచుండెను. 

కమలశోభలతో కలకలలాడుచుండెను

 

సరస్సులతోడను, వనపుష్పములతోడను

చూడముచ్చట గొలుపుచుండెను. 

అచట మునులు నార చీరలు, ధరించియున్నారు 

కందమూలఫలములే వారికి ఆహారము.