2 సర్గ ( 2 ): - ఎడ్ల లక్ష్మి , సిద్ధిపేట

మీ ఆయువుమూడి ఈ అరణ్యమునకు వచ్చినారు 

మీరు తాపసులగా యుండియు

ఒక స్త్రీతో నివసించు చున్నారు ఎలా? 

మీ అధర్మ ప్రవర్తన మునుల పద్ధతికి విరుద్ధము గదా? 

మీరెవరు? నేను విరాధుడను రాక్షసుడను, 

నిత్యము మునుల మాంసమును భక్షించుచు 

ఈ అరణ్యములో సంచరించుచుందును 

మిమ్ములను చంపి మీ రక్తమును త్రాగెదను. 

"నాయనా! లక్ష్మణా! నా భార్య సీతాదేవి 

సుఖసంపదలలో పుట్టి పెరిగినది. 

అయ్యో! ఆమె విరాధుని చేతికి చిక్కియున్నది సుమా! 

లక్ష్మణా మన కష్టాలే కైకేయికి ఇష్టమేమ!. 

ఓ సౌమిత్రీ! వైదేహి పరుని స్పర్శకు లోనగుట

నాకు మిక్కిలి బాధాకరంగా యున్నది అంటూ 

శ్రీరాముడు పెను శోకములో మునిగెను

అన్నయ్యా! దేవేంద్రుని వలె శక్తివంతుడవు 

సమస్త ప్రాణులకు నాథుడవు దుఃఖించ తగదు 

శ్రీరామా! నేను ధనస్సును సంధించి విడిచిన క్షణంలో 

ఆ దుష్టుని శరీరము నుండి ప్రాణాలు ఎగిరిపోవును. 

========================================

అరణ్యకాండమందు 2 సర్గ సమాప్తము 🙏🏻