పిల్లల మనసులు :- వరలక్ష్మి యనమండ్ర

పిల్లల మనసులు మల్లెలవి

మకరందము వోలె తియ్యనివి 

కల్లాకపటం యెరుగనివి 

కలిసి మెలసి మెలగునవి 

//పిల్లల//

చరణం..1

పువ్వుల వోలె సున్నితము 

మంచితనానికి పరిమితము 

నిరతము చిందును మధురసము 

వానికి హద్దు ఆకసము

//పిల్లల//

చరణం..2

స్వచ్ఛమైనది ఆ డెందం 

నిత్యం పంచును ఆనందం 

నిరతము చిందును మకరందం 

నీతో వేయును అనుబంధం 

//పిల్లల//

చరణం..3

తోటకు విరిసిన పూలందం 

భూమికి పచ్చని చేలందం 

ఇంటికి పిల్లల సిరులందం 

చిందును నిత్యం మకరందం 

//పిల్లల//