నా మాట వినరా : - వరలక్ష్మి యనమండ్ర

మన్ను తినకురా

నా మాటా వి..నా..రా...

కృష్ణ మన్నూ తినకురా //మన్ను//

చక్కగ దువ్వీ సిగను కట్టీ

నెమలి పింఛము పెట్టెదనయ్యా

//చక్కగ//

మోమున నామము దిద్దెనయ్యా

ముద్దుల కన్నా ఇటు రావయ్యా 

//మన్నూ//

ఇల్లిల్లు తిరిగెదవేల

వెన్న జున్నులు కావాలంటూ 

//ఇల్లిల్లు//

మన ఇంట్లో కొదువా ఏమి

చెప్పిన మాట వినవేల. //మన్ను//

రాలుగాయి పనులను చేసి

రవ్వ లాగా మెరయుచుందువు

 //రాలు//

గొల్లభామల జుట్లు గట్టి

గిల్లీ కజ్జాల్ పెట్టుకుందువు

 //మన్ను//

వెన్నుండలు చేసితినయ్య

నెయ్యి కమ్మగ కాచితినయ్య

//వెన్ను//

పాల బువ్వ పెట్టెదనయ్య

అల్లరి వాడా నా కన్నయ్యా 

//మన్ను//