వినాయకుడు: - యామిజాల జగదీశ్

 ఏ వినాయకుడిని ఏ నక్షత్రంలో పూజించాలి? విఘ్నేశ్వరుడి పూజ ఫలాలు!..
ఇవే కాకుండా, స్వామివారు వివిధ వృక్షాల నీడన కొలువుదీరి భక్తులను ఆశీర్వదిస్తారు. ఏ చెట్టు కింద ఉన్న వినాయకుడిని పూజిస్తే ఎలాంటి ఫలం లభిస్తుందో ఇక్కడ చూద్దాం.
మొదటగా లంబోదరుడు ఇష్టపడే ప్రదేశాలు రావి చెట్టు, జమ్మి చెట్టు నీడలు.
జమ్మి చెట్టు వినాయకుడు:  ధనిష్ఠ నక్షత్రం ఉన్న రోజున ఈ వినాయకుడికి పేలాల (వరి పేలాలు)తో అర్చన చేస్తే త్వరగా వివాహం కుదురుతుంది.
పొన్న చెట్టు వినాయకుడు:  ఆశ్లేష నక్షత్రం నాడు స్వామివారికి కొబ్బరినీళ్లతో అభిషేకం చేసి, వస్త్రాలు సమర్పించాలి. ఆ తర్వాత పేద రోగులకు అన్నదానం, వస్త్రదానం చేస్తే దంపతుల మధ్య మనస్పర్థలు తొలగిపోతాయి.
పొగడ చెట్టు వినాయకుడు:  అనూరాధ నక్షత్రంలో ఈ వినాయకుడికి దానిమ్మ గింజలతో అభిషేకం చేస్తే, ఉద్యోగం కోసం కుటుంబాన్ని వదిలి దూర ప్రాంతాలకు వెళ్లినవారు క్షేమంగా ఉంటారుమామిడి చెట్టు వినాయకుడు:  జ్యేష్ఠ నక్షత్రం రోజున ఈ స్వామికి విభూతి అలంకారం చేసి, పేద ముత్తైదువులకు వస్త్రాలు, భోజనం అందిస్తే కోపం, అసూయ, శత్రుత్వం తొలగిపోతాయి. దెబ్బతిన్న వ్యాపారం మళ్లీ పుంజుకుంటుంది.
వేప చెట్టు వినాయకుడు: ఉత్తరాభాద్ర నక్షత్రం నాడు దీపారాధన చేసి పూజిస్తే, కన్యకలకు అనుకున్న విధంగా మంచి భర్త లభిస్తాడు.
మర్రి చెట్టు వినాయకుడు: మర్రి చెట్టు కింద ఉత్తరంగా ఉన్న వినాయకుడికి మఘ నక్షత్రం రోజున అనేక రకాల అన్నాలను (ముఖ్యంగా దద్దోజనం, నైవేద్యం) నైవేద్యంగా పెట్టి, దానం చేస్తే తీవ్రమైన రోగాల నుండి ఉపశమనం లభిస్తుంది.
మారేడు చెట్టు (బిల్వ) వినాయకుడు: చిత్తా నక్షత్రం ఉన్న రోజున ఈ వినాయకుడికి పూజ చేసి, పేదలకు శక్తిమేరకు దానధర్మాలు చేస్తూ బిల్వ వృక్షం చుట్టూ ప్రదక్షిణలు చేస్తే విడిపోయిన దంపతులు మళ్లీ కలుస్తారు.
రావి చెట్టు వినాయకుడు:  పుష్యమి నక్షత్రం నాడు ఈ స్వామికి అన్నాభిషేకం చేస్తే పంట దిగుబడి, భూముల ద్వారా మంచి లాభాలు సమకూరుతాయి.