కొందరు బడాబాబులు
వెంచర్ల పేరుతో
ప్రకృతిని నాశనం చేస్తూ…
ఎల్ నినో అనే భూతాన్ని
మన ముందుకు తీసుకొచ్చారు!
వాన బాణం వేసి
ఆ ఎల్ నినోను తరిమేసి,
మమ్మల్ని కాపాడు మామ..!
సద్ది తీసుకుని
పొలం కాడికి వచ్చిన నీవు,
వస్తే… నిన్ను చూస్తూ
సద్ది అన్నం తినాలని ఉంది మామ..!
నా పెనిమిటి
రాత్రింబవళ్లు అని చూడకుండా…
పొలం గట్టుమీద కూర్చొని
నీ వైపే చూస్తూ
కన్నీళ్లు పెడుతున్నాడు…
అతని కళ్లను
వాన చినుకుతో తడిపి,
మా కన్నీళ్లను తుడిచి
మమ్మల్ని కాపాడు మామ..!
నీవు రాక
వ్యవసాయ పనులు మందగించాయి…
కూలికి వెళ్లే ప్రతి ఒక్కరూ,
వ్యవసాయం చేసే ప్రతి రైతన్నా
అర్ధాకలితో అలమటిస్తున్నారు…
రా మామా…
వచ్చి మా పొలాలకు ప్రాణం పోసి,
మా ఆకలి కేకలను
చల్లార్చు మామ..!
==========================
మంజుల పత్తిపాటి
9347042218
ఆలేరు వ్యవసాయ మార్కెట్ కమిటీ డైరెక్టర్.
యాదాద్రి భువనగిరి జిల్లా
తెలంగాణ రాష్ట్రం .
addComments
కామెంట్ను పోస్ట్ చేయండి