సహజం...!?:- డా ప్రతాప్ కౌటిళ్యా.

ఈ భూమిపై పుట్టిన 

ప్రతి ఒక్కరిని ఈ ప్రపంచం 

ఏదో ఒకటి అవ్వాలంటుంది 

ఏదో ఒకటి తను నిరూపించుకోవాలంటుంది. 

ఒకవేళ 

నీవు సముద్రం కావాలనుకుంటావు 

కానీ అక్కడ సముద్రం ముందే ఉంది 

నీవు మరో సముద్రం కాలేవు 

ఒకవేళ అయినా ఒక నదిలా ఆ సముద్రంలో 

కలవాల్సిందే తప్ప గొప్ప సముద్రానివి కాలేవు.

గొప్పతనం 

ఒక సముద్రం కావడమో

ఒక మహా పర్వతం కావడమో

ఒక దుర్భేద్య మహారణ్యం కావడమో కాదు 

సహజంగా ఉండడం. 

ఏ ఆకారం లేని ఏ రంగు లేని 

ఏ ఆకారంలోకైనా ఏ రంగులోకైనా 

మారే ఒక స్వచ్ఛమైన గాలిలా నీరులా ఉండటం. 

అదీగొప్పతనం. అదీ అతి సహజం. 

=============================

డా ప్రతాప్ కౌటిళ్యా.