పాప మనసు(బాలగేయం):-మమత ఐల--హైదరాబాద్-9247593432

 ఏదో తెలియని ఆనందం

మనసున ఏదో సంతోషం

ముద్ద మోము వికసించింది

ముదుముద్దుగ కనిపిస్తున్నావు

అమ్మ పాయసం పెట్టిందా

ఆటలలో నువు గెలిచావా

కొత్త నేస్తము దొరికిందా

చిలకవోలె నువు పలకమ్మ

అయ్యో! కాదు తాతయ్య

చప్పెదాక వినవేమయ్యా

వేషము నేను ధరించాను

పదుగురినీ మెప్పించాను

హుందాగిరి వలె మీసంపెట్టి

తలపై చక్కని టోపీపెట్టి

చంద్రబోస్ నేనయ్యాను

చదువులు నేర్పే గుడిలోన

అందుకనే ఈ ఆనందం

అలకలు లేని సంతోషం

ఈరోజు జ్ఞాపకం పరమాన్నం

వినవయ్యా ఓ తాతయ్యా