రామచిలక( బాలగేయం): -మమత ఐల:-హైదరాబాద్: -9247593432

 రామచిలక రామచిలక ఏడికెళ్తివి

రాజుగారి పెరటిలోని చెట్టుమీదికి

చెట్టుమీది నుండి నాకు ఏమి తెస్తివి

కమ్మనైన జామపండు కోసుకొస్తిని

పెరటిలోన యేమేమి చెట్లుఉన్నవి

లెక్కలేని పళ్ళచెట్లు యెన్నొఉన్నవి

మంచి మంచి పళ్ళన్ని యేడబెడితివి

జామపండు ఒక్కటే నాకు తెస్తివి

కరోనాకు వ్యాక్సిన్ను ఇచ్చుచుండగా

రాకుమారుడేమొ మందు నొల్లననియెను

పట్టుబట్టి వ్యాక్సినిస్తె రాజపుత్రుడు

కంటికేడు దారలుగా యేడ్చుచుండెను

అదిచూసి నామనసు కరిగిపోయెను

ఆటలాడి పాటపాడి ముచ్చటిస్తిని

ఏడుపంత మరిచిపోయి రాకుమారుడు

పళ్లుకోసి యిమ్మనుచు దోస్తికట్టెను

ఇష్టమైన పళ్ళన్ని కోసి ఇస్తిని

యింపైన బాలునితో దోస్తికడితిని

చిటికెలోన చిరునవ్వును పట్టుకొస్తిని

చిలకనిష్టపడనివారు ఎవ్వరుండిరి