అరటి తొక్క(బాలగేయం):మమత ఐల--హైదరాబాద్--9247593432

 అరటిపండు తొక్కనట్ల పారవేయకు

చెత్తబుట్ట ఉందికదా వెళ్ళుముందుకు

రోడ్డువైపు చూడుమచట ఏమి యుండెనో

చెట్టుపైన కోతిమనను చూచుచుండెను

బాటసారి వెళ్లునపుడు ఏమిజరిగెనో

నీకిపుడు చెబుతాను వినుము తమ్ముడు

రోడ్డుపైన పండుతిని తొక్క విసరుచూ

పట్టనట్టు చూడకుండ వెళ్లుచుండెను

చెట్టుమీద ఉన్నకోతి చూసి దానిని

తొక్కపట్టి వెంబడించె బాటసారిని

పరుగు పరుగుతో బోయి ముందునిలిచెను

బాటసారి చేతపెట్టి చూపె బుట్టను

సిగ్గుతోటి తొక్కనేసి చెత్తబుట్టలో

తలవంచి గుంజీలు తీసి వెళ్ళెను

మనిషి కన్న వానరమే గొప్పదాయెను

చూసి నేర్చుకొమ్మనుచు ఫోజులిచ్చెను