బాల్యం అమూల్యం (బాల గేయం)--ఎడ్ల లక్ష్మి-సిద్దిపేట

అమ్మ ఒడి చాటు పిల్లలం 

నాన్న ప్రేమలో మే మల్లెలం

అమ్మ ఆడించే ఆటలు

మా బాల్యానికే బాటలు

నాన్న నేర్పించిన పాటలు

బ్రతుకు దెరువు మూటలు //అమ్మ//

అక్క చెల్లితో ఆటపాటలు

విరజల్లిన వెన్నెల వెలుగులు

తాతా గారు చేప్పే కథల్లో 

ఎన్నెన్నో  నీతి సూత్రాలు //అమ్మ//

గోటీలాటలు ఆడెదము

జాన మూర కొలిచెదము

చిర్రగోనె లాట ఆడెదము

దూరమెంతో తెలిపెదము //అమ్మ//

నాన్న చేయి పట్టుకుని

బడికి మేము పోయాము

గురువుకు దండం పెట్టాము

అక్షరాలు మేము దిద్దాము //అమ్మ//

బాల్యమే ఒక బంగారు దశ

అది బాధలు తెలియని దిశ

తిరిగి రాని తీపి జ్ఞాపకాల ఆ

బాల్యం ఎంతో అమూల్యం //అమ్మ//