మధురా నగరిలో...:--ఎం. వి. ఉమాదేవి నెల్లూరు

మధురా నగరిని చల్లనమ్ముదము 

 తోడుగ రారా కన్నయ్యా !

నన్నూ  వీడక రారా కృష్ణయ్యా !

మేడలో భామలు మెల్లగ పిలిచే 

చూడకు నీవిక చిన్నయ్యా 

మురళిని ఊదకు వీధిలో కృష్ణయ్యా!

తుంటరి వెధవలు తూలిన మాటలు 

వింటివ చూడుము నందయ్యా 

నాకే  జంటవు నీవట కృష్ణయ్యా !

వంటరి దానను వెన్నెల గువ్వను 

కంటికి రెప్పగ  కన్నయ్యా 

నీవే కావుము ప్రియముగ కృష్ణయ్యా!!

గోవులు కాచే గోపిక నేనూ 

గొల్లల పడుచును చిన్నయ్యా 

నామది నిన్నే నమ్మితి కృష్ణయ్యా!!