కోడిపుంజు -బాలగేయం (మణిపూసలు ):--ఎం. వి. ఉమాదేవి నెల్లూరు

కొక్కొ రొకో కోడి పుంజు 

కూత ఉంది భలే రంజు 

పొద్దున్నే లేవాలోయ్ 

అంటూనే మనసు  గుంజు!

సమూహమున మహారాజు 

యజమానికి యమా మోజు 

రంగు రంగు రెక్కలతో 

రాజసమే రోజు రోజు !

పోరాటం మగధీరా 

బాహుబలి మనమేరా 

జూలు విప్పి పౌరుషమే 

చాటునిక  పల్నాడురా !

పల్లెటూరు అందమిదే 

త్యాగానికి బంధమిదే 

బ్రతుకుకు అర్థం తెలిపే 

స్వచ్ఛమైన జీవి ఇదే !

సంకురాత్రి సందళ్ళను 

అన్నిటికీ అలరించును 

పెంచిన మమతలు మరిచిన 

విందుగ నోరూరించును!