వచన పద్యాలు : - చెన్నా సాయిరమణి

 1)మకరంద కవన కాంతుల తెలింగ 

కమనీయ కావ్య మాధుర్య త్రిలింగ 

పరిమళ పదాoబుధి ప్రౌఢ తెనింగ భాష 

వినరా బిడ్డా !మన తెలుగు వైభవం !

2)నవ్య మనోహర నవనీత శక్తి 

జగతి జీవన ప్రభ కాంతుల 

జ్ఞాన విజ్ఞాన విశ్వ ఖ్యాతి భాష 

వినరా బిడ్డా !మన తెలుగు వైభవం !

3)అచ్చు హ్రస్వ దీర్ఘ వక్రతంబుల 

ఉభయాక్షర పరుష సరళ స్థిరంబుల 

అంతస్థ స్పర్శ వర్గాక్షర భాష 

వినరా బిడ్డా !మన తెలుగు వైభవం ! 

4)విశేష జ్ఞాన విజ్ఞాన బండాగార 

విజయ విఖ్యాత వినూత్న విశాల 

విశ్వంబు సాటి మేటి సౌందర్య భాష 

వినరా బిడ్డా !మన తెలుగు వైభవం !

5)మలయ మారుత మందార మకరంద

మహత్వ మంజరీ మృదుల మృదుత్వ 

మహతీ మంజుష మల్లెల మాధుర్య భాష 

వినరా బిడ్డా !మన తెలుగు వైభవం

: - చెన్నా సాయిరమణి 

పెంట (గ్రామం ), పద్మనాభం (మండలం )విశాఖపట్నం (జిల్లా )

MA తెలుగు 

శ్రీ పద్మావతి మహిళా విశ్వవిద్యాలయం (తిరుపతి )