వచన పద్యాలు : - చెన్నా సాయిరమణి

1)కవన కాంతుల ప్రౌఢ పలుకులతో 

సృజన సౌందర్య సుందర సౌజన్య 

సుధా వర్షంబగు సాటి మేటి భాష 

వినరా బిడ్డా !మన తెలుగు వైభవం !

2)మకరంద బిందు సింధూర సుందర 

ఒంపు సొంపుల ఒనమాల తెలుగు 

మాధుర్యంబు వినరా తెలుగు బిడ్డా 

వినరా బిడ్డా !మన తెలుగు వైభవం !

3)ఒగ్గు గాధల గుబాలింపుల  ఒంపు 

సొంపుల సుందర జుమ్మంది నాదంబుల 

అనంత మాధుర్య మధురిమ ఒనమాల భాష 

వినరా బిడ్డా !మన తెలుగు వైభవం !

4)సౌమ్య దేవ్య హవ్య సవ్య 

తొవ్వ సేవ్య భావ్య దివ్య 

నవ్య భవ్య శ్రావ్య కావ్య భాష 

వినరా బిడ్డా !మన తెలుగు వైభవం !

5)నంద్య వింద్య  సంధ్య సారధ్య

వైద్య సేద్య వేద్యా చోద్య

హృద్య విద్య పద్య గద్య భాష 

వినరా బిడ్డా !మన తెలుగు వైభవం !