ఏదో ఒకటి :-మంగారి రాజేందర్ జింబొ

   జనవరి 2020

    ------------------      

ఖాళీగా వుండకూడదు.

ఏదో ఒకటి చేయాలి.

వీలైతే ఓ కథ రాయాలి.

కవితైనా పర్వాలేదు

కుట్టుపనైనా పర్వాలేదు

కొత్త వంటైనా మంచిదే

ఖాళీగా వుండకూడదు

ఏదో ఒకటి చేయాలి

ఉద్యోగం గురించి నిర్ణయమైనా

ఏదైనా విరాళం సేకరించడమైనా

ఓ ఉపన్యాసమైనా

ఓ బ్లాగ్‌లో మన అభిప్రాయమైనా

ఏదో ఒకటి అంటే--

ఒకరి బాధని తగ్గించేది

సంతోషాన్ని వెలిగించేది 

ఆకలి తీర్చేది 

చలి తగ్గించి, వెచ్చదనాన్నిచ్చేది 

మనం వున్న పరిస్థిని మెరుగుపరిచేది 

ఏదైనా చేయాలి.

ఏది చేసినా

అది మంచిదై ఉండాలి.