రామప్ప గుడికి వారసత్వహోదా (తెలుగు తేనియలు ):-ఎం. వి. ఉమాదేవి నెల్లూరు

రామప్ప గుడి విశ్వగుర్తింపు 

తెలంగాణా మది పొంగెనోయి 

అపురూపం ఆ శిల్పకళలూ 

ఆణువణువు పలికె సరిగమలోయి !

అద్భుతమైన శిలాకృతులనూ 

చూసి తరించిన జన్మ ధన్యము 

చెక్కిన శిల్పుల జీవితాశయo 

నెరవేరింది చరిత్ర భవ్యము !

 చిన్ని లతలు నర్తకీ మణులుగ 

ఉలి చెక్కిన గమ్మత్తులె  కదా 

వందల ఏళ్ళ నాటిది శిల్పం 

చెక్కుచెదరని ఊహ ఉలికదా