మాట - మధుర టానిక్--శ్రీలతరమేశ్ గోస్కుల**హుజురాబాద్.*

అక్కడక్కడ చేరిన నల్లని మబ్బులతో 

ఆకాశానికి మాసికలేసినట్లైనట్లు 

అతుకులబొంతలా మారింది అతని బతుకు...* 

అవును..

అతను ఇంటి ముందరున్న మొండిగోడపై  కూర్చోని..

ఆ దారిగుండా..

వచ్చి పోయే వారికి మాటల టానిక్ ను అందించడంతో..

మనసున దాగిన మొండి రుగ్మతలెన్నో మటుమాయమయ్యేవి...

*కానీ..*

ఆమే మాత్రం

మాటలతో హింసించి

లేని రోగాలను సైతం

 వరమందించే మహత్తర గుణ సంపగి...

ఏమాటకామాటే చెప్పుకోవాలీ..

అందుకే అంటున్నా..

ఆ ఇంట నిత్యపోరు నీరింకని వాగై ..

పరిసరమంతా పరుసుకునేది..

*ఏమైందో ఏమో కానీ..*

ఒక ఉదయం 

అతని మాటనెత్తుకుపోయింది కాలం దొంగలా..

ఆవరించిన నిశ్శబ్దం చేసింది జీవితాన్ని అతలాకుతలం..

*అందుకే ఇప్పుడామే..*

మానసిక బలానికి

మంచి మాటలటానిక్ తో పాటుగా..

శారీరక బలానికి

సిరప్ ను కూడా అందిస్తోంది స్పూన్ తో అతనికి ప్రేమగా...