ప్రేమ వ్యవహారం బెడిసికొట్టిందని
పెళ్ళికి పెద్దలు ఒప్పుకోలేదని యువత
ఆత్మహత్యకు పాల్పడుటక్షణికావేశము!
వినుము కేఎల్వీమాట నిజముసుమ్ము !!
కోర్కెలు అనేకము కారణములు అనేకము
అవసరాల చిట్టా దానికి అంతుండదు మరి
అన్నమాట చెల్లలేదని ఆత్మహత్య తగునా ?
వినుము కేఎల్వీమాట నిజము సుమ్ము !!
స్నేహము పేరుతొ చిలకపలుకులు పలికి
స్వార్ధము ముసుగులోసయ్యాటలాడుదురు!
ఓటమిని భ్రమించి బ్రతుకు కడదేర్చుకొనుటెల ?
వినుము కేఎల్వీ మాట నిజము సుమ్ము .. !!
కట్నకానుకల కోర్కెలతో పీడింతురు కొందరు
సూటీపోటి మాటలతో సాధింతురు శాడిస్టులు !
ఆ క్షణికావేశములో ఆత్మహత్యపరిష్కారమా ?
వినుము కేఎల్వీమాట నిజము సుమ్ము .. !!
పేదరికము తెలిసికూడా పదిమందినికనుటెల ?
పెంచలేక పిరికితనంతో వారిని హతమార్చనేల?
కన్నకడుపు తీపి అచ్చట కానరాదెందుకో కదా !
వినుము కేఎల్వీ మాట నిజ ము సుమ్ము .. !!
కష్టపడి ఇష్టముగా చదువుకొను పిల్లలు
ఆడుతూపాడుతూ అనుకున్నది సాధించు!
తల్లిదండ్రులు కన్నకలలు వమ్ము కాబోవులే
వినుము కేఎల్వీ మాట నిజము సుమ్ము !!
పిల్లల మేధస్సును అంచనావేయకుండానే ,
రకరకాల వత్తిడులతోరాంకులాశించుటమేలా
తగదు తగదు గాక తల్లిదండ్రుల ఆలోచన ..
వినుము కేఎల్వీ మాట నిజ ము సుమ్ము !!
స్టేటు రాంకుల నాశించి కళాశాలల పెద్దలు
కార్పొరేట్ చదువులపేరకఠినంగాప్రవర్తింతురు!
ఒత్తిడికి తట్టుకోలేని విద్యార్థుల గతిఆలోచించరు,
వినుము కేఎల్వీ మాట నిజ ము సుమ్ము !!
addComments
కామెంట్ను పోస్ట్ చేయండి