పురాణాలూ ఇతిహాసాలలో పొందుపరిచారు
మనసంస్కృతి సంప్రదాయాలూ పండుగలు
ముందుచూపుతో మన పండితోత్తములు ..
వినుము కేఎల్వీ మాట నిజ ము సుమ్ము !!
ద్రౌపది కృష్ణమూర్తిల అన్న చెల్లెళ్ళ గాధ
చీరచింపి మణికట్టుకు కట్టిన ఉదంతం
సోదరుడిపై రక్షకుడిగా గట్టి భరోసా కదా
వినుము కేఎల్వీ మాట నిజము సుమ్ము !!
అన్నా చెల్లెళ్ళ అనురాగానికి చిహ్నం
రాఖీ బంధనం చెప్పకనే చెబుతున్నది
ఉత్తరాదిన దీని ప్రాముఖ్యత మెండులే
వినుము కేఎల్వీ మాట నిజము సుమ్ము !!
రక్షాబంధన్ -రాఖీ పౌర్ణమి -శ్రావణ పౌర్ణమి
జంధ్యాల పూర్ణిమ అంతా అర్ధం ఒక్కటే ..
ప్రాంతాలనుబట్టి పేర్లు మారుతాయిలే ….
వినుము కేఎల్వీ మాట నిజము సుమ్ము !!
అన్నాచెల్లెళ్లు -అక్కా తమ్ముళ్లు మధ్యన
ప్రేమానురాగాలకు సూచకం ఈ పండుగ
శ్రావణ పూర్ణిమనాడే ఈ రాఖీ పూర్ణిమ
వినుము కేఎల్వీ మాట నిజ ము సుమ్ము !!
అన్నచెల్లెళ్ల మధ్య అక్కాతమ్ముళ్ల మధ్య
ప్రేమానురాగ బంధాలు నిలవాలి కలకాలం
రక్తసంబంధాలెప్పుడూ నిత్యజీవిత బంధాలు
వినుము కేఎల్వీ మాట నిజ ము సుమ్ము !!
***
addComments
కామెంట్ను పోస్ట్ చేయండి