కొంగనెగురనీయి కోరినట్లు(పద్యం):--- గుడిపూడి రాధికారాణి, గణిత ఉపాధ్యాయిని, మచిలీపట్నం.

సీ//

నింగిన కొంగలు నేలపై వాలెనే

      మల్లెపూలను బోలి తెల్లగాను

చేలనే దాటుచూ చెరువుపై నెగురంగ

      తారలై మెరిసెనే తీరుగాను

పుడమిపై వాలుచూ పురుగులనేరంగ

       చేరి జూడగ కడు చోద్యమయ్యె

వడిసెల పట్టంగ ఒడుపుగా కొట్టంగ

     చెల్లాచెదురయెను తల్లడిల్లి

ఆ//వె//

కొంగలెగిరి జేరె కొల్లేటి సరసును

గుంపు గూడినంత గుండె నిండె

చేరి మట్టుబెట్ట చేతులెట్లొచ్చెరా

కొంగనెగురనీయి కోరినట్లు