" బెండకాయ ముద్ర " >మనోహర్ పంత్>భీమారం (హన్మకొండ )*

 ఒక రాజుగారి, సచివాలయంలో , సుబ్బావధాని , అనే ఉద్యోగి, ఉండేవాడు .
అతన్ని, అందరు లంచావదాని, అని 
పిలిచేవారు.  లంచం ఇవ్వనిదే, ఏ పని 
చేసేవాడుకాదు. రాజుగారికి ఎన్నో ఫిర్యాదులు 
వెళ్లాయి.  రాజుగారు, అతన్ని, అన్ని శాఖలకు, మార్చారు . అయినా,  అవధాని 
లంచం తీసుకోవటం , మానలేదు. రాజుగారికి , విసుగు,  ఆగ్రహం వచ్చి ,
అతన్ని, ఉద్యోగంలోంచి, తీసేసారు .
ఒక వారం గడిచింది . 
ఒకరోజు, ఉదయాన్నే , అవధాని , సచివాలయం ముందు, ఒక చెట్టు క్రింద, 
ఒక బల్లేసుకుని కూర్చున్నాడు. బల్లమీద 
ఒక బెండకాయ తోడిమా, ఇంకు పాడ్, 
లాటిది వున్నాయి.  
రాజుగారి , సచివాలయం లోకి,  అర్జీ 
పట్టుకుని,  వెళుతున్నవాళ్లను , పిలిచి , 
బెండకాయ ముద్ర వేయించుకోవాలని , 
చెప్పి,  బెండకాయ ముద్ర వేసి,  డబ్బులు 
తీసుకుంటున్నాడు . రాజుగారు కొత్తగా 
చట్టం చేశారనుకొని , అందరు , అర్జీలమీద 
ముద్ర వేయించుకొని , డబ్బులిస్తున్నారు. 
చివరకు , ఎలా అయ్యిందంటే,  అర్జిమీద 
బెండకాయ ముద్ర లేకపోతే , అర్జీ,  తీసుకోక , బెండకాయ ముద్ర వేయించుకొని రమ్మని తిప్పి పంపుతున్నారు. 
ఒక రోజు,  అవధానికి , సుస్తీ చేసింది .
డ్యూటీ ఎక్కాల . బెండకాయ ముద్ర 
లేకపోవటంతో , సచివాలయం లోకిఅర్జీలు 
వెళ్లడంలేదు.  "ఏమిటి, ఈ రోజు ఒక్క అర్జీ కుడా 
రాలేదని ", రాజుగారు , అడిగితె,  బెండకాయ ముద్ర లేదన్నారు . "బెండకాయ ముద్ర ఏమిటి , ఎవరు వెయ్యమన్నారు? ", అని రాజుగారు అడిగితె 
ఎవరికి వాళ్ళు మాకు తెలియదంటే , మాకు తెలియదన్నారు . పైగా మీరే చట్టం 
చేశారేమో అని అనుకొన్నాం అన్నారు. 
రాజుగారు , విచారణ చేపట్టి , అసలు 
వ్యక్తిని ప్రవేశ పెట్టమంటే , ఎదురుగా 
అవధాని!
రాజుగారికి , బుర్ర తిరిగింది.  కిరీటం తీసి ,
ఒక సారి, తల గోక్కుని,  నీ లంచావతారం 
మాన్పించటం, భరించటం నావల్ల కాదు , 
అందుకు,  నీకు దేశ బహిష్కరణ శిక్ష విధిస్తున్నాను, అన్నారు.  
"రాజా , ఇప్పటికిప్పుడు,  నన్ను దేశం వదిలి పొమ్మంటే ఎక్కడికి పోవాలి , ఎలా 
బతకాలి ?", అని అవధాని అడిగాడు .
దక్షిణా పథాన , రెండు తెలుగు రాష్ట్రాలు 
వున్నాయి,  అక్కడి ప్రభుత్వాలు నీకు అనువుగా ఉంటాయి. ప్రజలు కుడా నిన్ను భరించగల శక్తి గలవారు --
నిన్ను తప్పకభరిస్తారు ", అని చెప్పి,  రాజుగారు 
లేచి , టక్కున  వెళ్లిపోయారు. 
తరువాత విషయం వేరే చెప్పాలా !!