జీవిత శిల్పి.... మిత్రుడు:---మచ్చ అనురాధ--తెలుగు భాషోపాధ్యాయురాలు-జి.ప.ఉ.పాఠశాల కుకునూర్ పల్లి, కొండపాక మండలం , సిద్దిపేట జిల్లా.

సీసమాలికపద్యం

స్వార్థమింతను లేక సాగును వెన్నంటి

మచ్చలేని చెలిమి మణుల విధము,

జీవిత కాలమున్ క్షేమము కోరుతున్

భేద భావము లేక ప్రేమ పంచు,

కష్టాల సమయాన కంటికిన్ వెలుగులై

కరుణించి కాపాడు కరుణమూర్తి,

దుర్గుణాలను మాన్పి దొడ్డ వారిగ జేసి

పరుల ముందున నిల్పు పరమయోగి,

వెలుగులు నింపుతున్  వేదనల్ దీర్చుతున్

శిల్పిలా మలచెడి  చెలిమి గొప్ప,

నిత్యమై నిఖిలమై నిలిచెడి నేస్తము

వెంట యుండిన చాలు వేరె  వలదు,

పేద ధనిక యని భేదాలు జూపని

ప్రాణ మిత్రుడు లభియింప పావనమ్ము.

తేటగీతి

యెంచుకోవలె మిత్రుని యేరికోరి,

పంచుకున్నను బాధలు పారిపోవు,

పెంచుధైర్యాన్ని మన లోన పెన్నిధిగను,

మంచి మిత్రుడొక్కడుచాలు  మహిని గెలువ.