అమ్మవారి దండకం :-మచ్చ.అనురాధ.సిద్దిపేట.తెలుగు భాషోపాధ్యాయురాలుజి.ప.ఉ.పాఠశాల కుకునూర్ పల్లి, కొండపాక మండలం , సిద్దిపేట జిల్లా.

శ్రీమన్ మహాదేవి  శ్రీమంగళా గౌరి ,

శ్రీ రాజ రాజేశ్వరీదేవి మమ్మేలు ,

త్రైలోక్య మందుండె  శక్తిస్వరూపంబు ,

ఓఅంభికేశ్వరీ  ఓశాంభవీమాత ,

శ్రీ శైలమళ్లీశ్వరీదేవి మాంపాహి ,

ఓభక్త చింతామణీపావనీగావ ,

మాయాపదల్ దీర్చ 

రావేల జాగేల ,

మాబిడ్డలన్ బ్రోచి 

సంస్కారమున్ నేర్పి ,

విద్యాగరిష్ఠుల్ని జేయమ్మ ఇంద్రాణి ,

నీకన్న మాకెవ్వరున్నారు  మాయమ్మ ,

నిత్యంబు ధ్యాన్నింతు  ఓంకార  శ్రీశక్తి ,

మాశక్తి లోపంబు లేకుండ  నీపూజ ,

సల్పేము  పక్వాన్నముల్ బెట్టి  ప్రార్థింతు మోయమ్మ

యారోగ్యమున్నుండ జేయమ్మ  హేదుర్గ ,

శ్రీవేములావాడ యందుండె  చిధ్రూపి  ,

మీనాక్షి  ఓకంచి కామాక్షి లోకాల ,

సంరక్షసంధాయినీ దేవి  మాంపాహి ,

నావాక్యముల్ నందు లోపంబులున్ నున్న ,

మన్నించు నీభక్తు లన్ బ్రోవు మమ్మేలు,

 తల్లీమహంకాళి శాంతంబు  జూపించి ,

నీభక్తులీదండకంబేయ  నీదృష్టి  ,

సారించి  రక్షించు సౌఖ్యంబు లన్నిచ్చి 

శ్రీశ్యామలాదేవి సర్వంబు  నీవమ్మ 

మాతా నమస్తే నమస్తే నమః .