రావే ఎంకీ :--ఎం. వి. ఉమాదేవి నెల్లూరు

ప్రక్రియ*పద్యం-మధురగతి రగడ*

:   ----------------------------

 

రంగము పోదము రావే ఎంకీ 

బంగరు కొందము బాగుగ వంకీ !

కమ్మల జతలూ కాసుల పేరును 

యిమ్ముగ గాజులు యిక ఉంగరమును!

మెడలో గుండ్లను  మేలగు గజ్జెలు 

తడవకు చాలా తళుకుల చీరలు !

పాపిట బిళ్లకు పచ్చని రాళ్ళను 

మాపిటి కంతా మనసొం తమగును !

చిక్కని ఛాయిలు చిలకల దుప్పటి 

చక్కని రొట్టెలు చాలా సంగటి !!

రంగుల రాట్నం రంజుగ వుంటది 

హంగుగ తిరుగా హాయిగ పా టది!