కాలానికో కాళోజీ ఉదయించాలి:---కవిరత్న నాశబోయిన నరసింహ(నాన),ఆరోగ్యపర్యవేక్షకుడు,చిట్యాల,నల్గొండ,9542236764

తెలంగాణ సాహిత్య మాగాణిలో 

విరిసిన ఉద్యమ గులాబీ కాళోజీ

విద్యార్థి దశ రగిలించిన విప్లవ స్పృహ 

ఎగసిపడే ఉద్యమ కెరటం అతని కలం 

అక్షరజ్యోతిగ వెల్గిన జ్ఞానజ్యోతి స్వరూపం 

నిజాం నిరంకుశ గుండెల్లో అంకుశం

ఖండించెను రజాకార్ల వికృత ఉన్మాదం 

తిరుగుబాటు బావుటా ఎగరేసిన ఘనుడు

భాషకు మకుటం తొడిగి యాసకు ప్రాణం పోసి

నిరాడంబర యోగి తెలంగాణ వైతాళికుడు

పలుకుబడుల పదాలకు పీఠమేసిన వైనం  

తెలంగాణ పోరు జోరు చైతన్య సమాహారం

ప్రజల గొడవ తన గొడవగా తలచిన నైజం 

కోట్లాది గుండెల్లో కొలువైన ధిక్కార స్వరం

సామాన్యుడే దైవమనే విశాల హృదయం  

అన్యాయం అడ్డంకి నెదురించే ఉత్తుంగ తరంగం

అసమానత సహించని మానవతా దృక్పథం

పద్మ విభూషణ్ అందుకున్న తెలుగు తేజం

అణగారిన బతుకులకండగా నిలిచిన అక్షర తపస్వి

జయహో! నీ జయంతి తెలంగాణ భాషా దినోత్సవం

ఎక్కడ అధికారం పడగలిప్పి బుసకొడుతుందో 

ఎప్పుడు పెత్తనం జడలు విప్పి చిందులేస్తుందో 

కారణజన్ముడు కాలానికో కాళోజీ ఉదయించాలి  

అంతర్ముఖ కుటి

లత్వాల అంతమే నీ పంథమనీ   

కణకణ మండే అక్షర సూర్యుడిగ నిప్పులు చెరగాలి

(9 సెప్టెంబర్ కాళోజీ జయంతి శుభాకాంక్షలతో...)