మన దీపావళి;-గుర్రాల లక్ష్మారెడ్డి, కల్వకుర్తి.సెల్ నెంబర్.9491387977.నాగర్ కర్నూల్ జిల్లా.

మన ఘనమైన దీపావళి

జన సాంప్రదాయ రూపావళి

వస్తున్నది అది మస్తు ఉన్నది

వేడుక వెలుగులనే తెస్తున్నది !

మన దీపావళి దీపావళి

తరతరాల ఘన దీపావళి

వస్తున్నది వస్తున్నది అది

ముదములు కలిగిస్తున్నది!

మన దీపావళి దీపావళి

దివ్యమైన ఘన దీపావళి

భవ్యమైన జన కృపా వళి

సవ్యమైన ఓ గులేబకావళి !

మన దీపావళి దీపావళి

మెరిసి విరిసేఈ దీపావళి

ఘన ముత్యాల దీపావళి

మన పగడాల రత్నావళి !

దీపావళి మన ఈ దీపావళి

ప్రమిదల ప్రవాహ దీపావళి

వెలుగుల వెన్నెల రూపావళి

కలువల  కన్నెలమా కథాకళి !

ఔటులను మనం కాల్చవద్దు

అవుటై వాటిని తిరిగి పేల్చవద్దు

అసలు కాలుష్యాన్ని పెంచవద్దు

సిసలుగ దానిని తొలగిస్తేనే ముద్దు!

టపాసుల కాల్చవద్దు

పటాటోపం చూపవద్దు

దీపాలను వెలిగిస్తే ముద్దు

పాపాలు తొలగుట కద్దు !

వెలుగుల జిలుగుల దీపావళి

తళుకుల బెళుకుల దీపావళి

తాను వస్తాదై ఇక వస్తున్నది

చాన ముస్తాబై అది మస్తున్నది !

రాక్షస నరకాసుర వధ వల్ల

తక్షణం వచ్చె

దీపావళి మల్ల

ఆ క్షణంమే తిమిరావళి గుల్ల

మురిసిపోయే ముల్లోకాలెల్ల !