గీతాంజలి ;- రచయిత, చిత్రకారుడు : జింకా రామారావు

 .2 “గానమే నా అర్హత నీ సమక్షాన"

నన్ను పాడమంటూ నీవు ఆజ్ఞాపించినప్పుడు నా హృదయం పొంగిపొర్లి గుండె దడదడలాడటం జరిగింది. అప్పుడు నా కళ్ళు నీటిసుడులుగా మారాయి. ఆ స్థితిలో నా గళంలోని అపస్వరాలన్నీ కరిగి ఒక మధురస్మృతిలో లీనమయ్యాయి. ఆ స్మృతులు బాధలకు దూరంగా సముద్రం మీద ఎగిరే పక్షిలా రెక్కలు చాచుకున్నాయి.అప్పటికి భక్తునికి తన పాటపట్ల కొంత ధైర్యం వచ్చింది. ఆ ధైర్యంతో ఇలా అంటాడు. స్వామీ నా భక్తి పాటలు నీకు ఆనందమని తెలుసు. ఇలా పాడగలిగిన పాటే నీ ఎదురుగా నేను నిలవగలిగిన అర్హతను సంపాయించి పెట్టిందని భావిస్తున్నాను. పక్షితన రెక్కలను విశాలంగా చాచినట్లుగా నేను పంచమశృతిలో నా పాటను ఆలపిస్తాను. ఆ భావావేశంలో పరవశమై నన్ను నేను మరిచిపోతాను. నువ్వు నాకు ప్రభువు అన్నమాటను మరిచిపోయి నీ పట్ల స్వతంత్రతను పెంచుకొని 'సఖా' అని పిలుస్తాను...