సహకారం;-శ్రీ సుధ కొలచన

సాహితీ బృందావన జాతీయ వేదిక

ప్రక్రియ: సున్నితం

రూపకర్త:: నెల్లుట్ల సునీతగారు

-----------------------

మూడుపదాల మచ్చటగు పాదాలు

నాలుగైన పాదాల అంత్యానుప్రాసలు

నవనవీన ప్రక్రియిది అద్భుతంబులు   

చూడచక్కని తెలుగు సున్నితంబు!! 1

పరస్పర అవగాహన 'సహకారము', 

ఇరుపక్షంబుల నడుమ అంగీకారము, 

విధాత లిఖించిన జీవనసారము,

చూడచక్కని తెలుగు సున్నితంబు!! 2

సమస్తసృష్టి యొక్క నియమమిది, 

సమతుల్యత సాధ్యపరచు సాధనమది,

తారతమ్యతలు తావివ్వని తర్కమది, 

చూడచక్కని తెలుగు సున్నితంబు!! 3

అహంకారానికి అంతం అది,

మమకారానికి మూలం అది,

జీవితపు పరమార్థం అది,

చూడచక్కని తెలుగు సున్నితంబు!! 4

అనుబంధాలు పదిలపర్చు సన్నిధది,    

మానవత్వ పరిమళమిచ్చు సుమమది,  

వసుధైక కుటుంబానికి పెన్నిధది, 

చూడచక్కని తెలుగు సున్నితంబు!! 5

ఆలుమగల నడుపుతున్న సంసారం -

సహకారానికది నిలువెత్తు  ఆకారం,

సుఖమయ జీవనానికి ఆధారం,

చూడచక్కని తెలుగు సున్నితంబు!! 6

 ------------------------------------------