వాళ్లిద్దరూ! ;-నాశబోయిన నరసింహ (నాన), ఆరోగ్య పర్యవేక్షకులు, NVBDCP సబ్ యూనిట్, సికింద్రాబాద్,8555010108
ఆమె అతడు
అర్ధనారీశ్వర దాంపత్యం                      
ఏడాదికో పాప                             
రెప్పపాటులో రెండేళ్ళు                                                    
వాళ్లిద్దరూ! వాళ్ళ కిద్దరు!!               

అతన్ని కలిసాను...
మాటల మడత విప్పాను                            
ఫోర్త్ క్లాసు జీవితాలు 
ఎన్ని ప్లాష్ లైట్లయినా                         
వెలుగు నిండని వెతలు                               
భూమికి బుక్కకి ముడిపడని                                       
 ముఖచిత్రం గీసి ముందుంచాను                      

అతన్ని మళ్లీ కలిసాను..                  
చదువు ఓ ఆకాశ పుష్పం! పిల్లల కది కొనలేవు                                                                                                       
 పసికాయల భారంతో మొక్కను కూల్చొద్దన్నాను                           

"ఆడపిల్ల లిద్దరూ                                                                                     
వంశోద్ధారకుడొద్దా?”ముసలి గొంతంది                                                                               
ప్రకృతి సమతుల్యతకే ఆడ మగ స్వరూపం
బాధ్యతల అంతరం సమాజ కల్పిత కావ్యం
అతివ అవనిపై అపురూప మరకతమణి
ఆడబిడ్డ లేనిది తల్లీ చెల్లీ అక్కా ఆలి లేరు కదా?
స్త్రీ పురుష అంతరాల కుతంత్రాలు వద్దన్నాను

నాలుగో యేట చూలింతగానే!
ఐదో ఏట మళ్ళీ అతన్ని కలిశాను...
ఆ ఇంట్లో ఇద్దరు పిల్లలే !
అనుమానం ఆశ్చర్యంతో ప్రశ్నగుర్తులా నా ముఖం

"ఆడపిల్లలనే తేల్చాయి ఆల్ట్రా సౌండ్ పరీక్షలు
అబ్బాయనీ తేల్చే దాకా అమ్మలకీ శిక్ష"లంటూ
గుక్క తిప్పుకోని దుఃఖంతో భ్రూణ హత్యల నిరోధక చట్టం.



కామెంట్‌లు