- *మేలుకుంటున్న ప్రకృతి*@ఆలంబన మనిషే @ కోరాడ నరసింహా రావు !

చీకటి నిద్రలో మగ్గి.... 

  పగటి కి పక్వానికొచ్చిన 

     ప్రకృతి సోయగాల   

.             పరిమళం.... !

 బాల భానుని లేలేత కిరణాల 

    కాంతిలో... మిల - మిలా... 

      రంగు -రంగుల్లో  మెరుస్తూ 

           కిల - కిలా నవ్వుతోంది !

పంచ భూతాలలో..... 

  ఈ భూమి ప్రత్యేకతే అంత !

     అందాల కొలువు... 

        ఆనందాలకు నెలవు !!

         ఈరసాతలంరమణీయం

సమన్వయంతో.... 

   సకలభోగ సదృశం ! 

     భోగవస్తువులెన్నున్నా 

        భోగిలేక నిష్ప్రయోజనమే 

           

రసానందాన్ని.... 

   ఆస్వాదించగల.... 

      ఈ కళా తపస్వి..... 

          మనిషే... !

            ఈ అద్భుతాలకు 

                ఆలంబన.... !!