* ఎగురవేయండీ *- కోరాడ నరసింహా రావు !

 మహాత్ములు పుట్టిన... 
             ఈదేశం లో పుట్టీ... 
మహోన్నత చరిత్రకే.... 
          మచ్చను తెచ్చే..... 
ఓ...నవయువతా..
        ఏమౌతుందీ  దేశ భవిత !
దేశానికి  వెన్నెముక మీరే... 
    దేశప్రగతి మీ చేతుల్లోనే... 
       దేశగౌరవం మీ చేతల్లోనే !
వ్యసనాలకు బానిసలై... 
   మాదకాల మత్తులో... 
      తూగి - జోగుతూ... 
         నిర్వీర్యులైపోతే....., 
ఈ దేశానికి రక్ష ఎవరు... !?
 భరతమాత ఆక్రాoదన... 
     వినపడలేదా మీకు... !
శత్రువుల పరిహాసం... 
     కనపడలేదా  ఇంకా... !!
దేశభక్తి ఔషధం సేవించండీ... 
  పట్టిన మత్తునుఇంక... 
         వదిలించండి.... !
దేశరక్షణకై కంకణబద్దులుకండి
పొంచిఉన్న ప్రమాదాలు... 
            తప్పించండీ.... !
మనదేశ ఘనతను నిలబెట్టండీ 
మా భరత మాత రక్షణకు... 
  మేమున్నామనీనిరూపించండి  
 మిమ్ముచూసి భరత మాత 
   గర్వపడేలా... మన విజయ 
      కేతనము ఎగురవేయండీ!
          మన ఘనమైన విజయ 
      కేతనము  ఎగురవేయండీ!
     *******