గారడీ! అచ్యుతుని రాజ్యశ్రీ

 గారడీ మాటలబురిడీ కనుకట్టు విద్య కోయజోస్యం దాదాపు  ఎదుటివారి మనోభావాలు స్థితిగతులు అంచనా వేస్తూ చెప్పేవే! బాధలో ఉన్న వారు  ఎవరైనా ఆప్యాయంగా పలకరిస్తే చాలు  గడగడ తమ మనసులో ని బాధ  వెళ్లగ్రక్కేస్తారు.అంతే తన చేతివేళ్ల విన్యాసం తను సేకరించిన సమాచారం తో విభూది తాయెత్తు తో మీరోగాలు బాధలు మటుమాయం అని ఊదరగొడుతున్నారు దొంగ సాధుబైరాగులు.
కరోనా వరదల కారణంగా కొంపా గోడూ సంసారం పోగొట్టుకున్న అవతారం తన పొట్టకూటికై కొత్త అవతారం ఎత్తాడు. తను కాశీనుంచి వచ్చానని శివాభిషేకం తప్ప ఏమీ పైసా పుచ్చుకోను అని ప్రచారం సాగించాడు. అతనితో  ఓబైరాగిని కూడా తెచ్చాడు.అతనికి తెలుగు రాదు.కథ అంతా మనవాడే నడిపిస్తాడు.ఆబైరాగి చేతివేళ్లు మహాచురుకుగా కదులుతాయి.అవతారం  ఆఊరివిశేషాలు సేకరించితెస్తే బైరాగి  కొన్ని  అట్టముక్కలపై కొన్ని పళ్ళు పూల పేర్లు రాస్తాడు. వాటిని తన కోటు జేబులో  లోపలి అంగీలో ఉన్న జేబుల్లో పెడతాడు. అవతారం  వచ్చినవారిని"నీకు  ఏపూవు ఇష్టం?ఏపండు ఇష్టం?" అని ప్రశ్నలు అడిగి వారు చెప్పగానే  బైరాగి కి హిందీ లో చెప్తాడు. ఇంకేముంది?మంచి జ్ఞాపకశక్తి ఉన్న బైరాగి  ఠక్కున ఆరెండు పేర్లున్న అట్ట ముక్కలు ప్రశ్న అడిగిన వాడి ముందు పెడతాడు. ఇంకేముంది?కథమామూలే! కాకపోతే ఆపండు పూవు కాగితం తన కున్న జేబు లో  ఎందులో ఉందో గుర్తు పెట్టుకోవాలి సుమా!
సైన్స్ లెక్కల మాష్టారులు పిల్లల కి  ఇవన్నీ చెప్పి  అభ్యాసం చేస్తూ ఉంటే  ఇవి అలవడు తాయని వారాని కోసారి పిల్లలకు  అవగాహన సదస్సు నిర్వహిస్తారు. ఇలా తర్కంతో ఆలోచన చేయటం అవసరం.అప్పుడే మనం మోసపోకుండా ఉంటాము 🌷