:ప్రణవంతో ప్రణామం;-డా. పి. వి. ఎల్. సుబ్బారావు.- 9441058797,

 బాల పంచపదులు
==============
1. "ఓంకారాన్ని నేను",
                      గీతా వాక్యము!
     అదే పరమాత్మ,
                      అక్షర రూపము! 
     తెలుసా ,
      ఓంకారం, దైవం అభేదము!
    అది మోక్షానికి ,
                  తెరిచే ద్వారము!
నిత్యం ప్రణవంతో,
                 ప్రణామం, రామా!
2." ఓం " వేయి అర్ధాల,
                          సమాహారం!
   అందులో ఒకటి ,
                        దైవఆహ్వానం!
 దైవనామం,
              "ఓం" తో ప్రారంభం!
  ఓంకారంతో ,
                     దైవం సాకారం!
నిత్యం ప్రణవంతో,
                  ప్రణామం, రామా!
3. ఓం అక్షరమే  ఆ బ్రహ్మ!
 తపస్సుకు మూలం అదేనమ్మ!
 కలియుగాన అదే పట్టుకొమ్మ!
  సార్థకం ఈ మానుష జన్మ !
నిత్యం ప్రణవంతో,
               ప్రణామం, రామా!
4. ప్రణవనాద ప్రకంపనాలు!
 మనసునకెంతో సాంత్వనాలు!
 ఆధ్యాత్మిక జీవన సాధకాలు!
అద్వైతభావ సరిభోధకాలు!
నిత్యం ప్రణవంతో,
               ప్రణామం, రామా!
5." ఓం" అను చాలు,
                     అదే పదివేలు !
     బతుకు చక్కని,
                           పూలతేరు!
    జీవితం సాగే,
                          సెలయేరు!
    దైవసన్నిధి ,
                    తప్పక చేరి తీరు!
 నిత్యం ప్రణవంతో,
                 ప్రణామం ,రామా!
_________