మనంఆరోగ్యంగా ఉన్నపుడే.. !(* బాలగేయం *) కోరాడ నరసింహా రావు.

పిల్లలూ.... !

  మీరు చక్కగ చదువులు చదవా లన్నా.... 

 గొప్పవారిగా ఎదగాలన్నా ... 

 సుఖ, సంతోషాలతో ... 

 ఆనందంగా  బ్రతకాలన్నా... 

 మొదట ఆరోగ్యంగాఉండాలి !

ఆరోగ్యమే మహాభాగ్యమని... 

 అన్నారందుకే పెద్దలు !!

మనం ఆరోగ్యంతో ఉండాలంటే 

పరిశుభ్రత పాటించాలి !

 ప్రతిదినమూ వేళకు లేచి... 

 కాలకృత్యములు తీర్చుకుని 

 చక్కగ స్నానము చేయాలి... 

 ఉతికినబట్టలు కట్టాలి !

స్కూలు బేగులు, పుస్తకము లను పరిశుభ్రంగా ఉంచాలి, వేళకు బడికి వెళ్ళాలి, క్రమశిక్షణతో మెలగాలి !

  వీధిలో...  ఈగలు వాలినవి.. 

  కుళ్ళినపళ్ళు, పాచినచిరు     తిళ్ళు.... అస్సలు తిననే తిన కూడదు  ! 

 వాంతులు, విరేచనాలతో... 

 అవి మనఆరోగ్యానికి కీడును  

 చేస్తాయి !

అది స్కూలైనా, పార్కైనా... 

ఇంటినుండి బయట కెక్కడికి వెళ్లి,వచ్చినా...కాళ్ళూ,చేతులు 

ఒళ్ళంతా సబ్బు,నీళ్లతో చక్కగా

శుభ్రం చేసుకోకపోతే.... 

     గజ్జి, తామరవంటివి ఎన్నో  

జబ్బులు వస్తాయి !   ఎంతో చీకాకును కలిగిస్తాయి !

మనముశుభ్రంగాఉంటేచాలదు 

మనఇల్లూ, పరిసరాలూ.... 

   పరి శుభ్రంగా ఉండాలి !

ఎక్కడపడితే అక్కడ... చెత్తను వేసి,మురుగునీరుపారక,నిలవ 

ఉండి పొతే....దోమలు పెరిగి... 

రక -  రకాలజ్వరాలతోజబ్బులు చేసి,ప్రాణాలకే ముప్పురావచ్చు

 

 మన మారోగ్యంగా ఉన్నపుడే 

బుద్ది బాగా వికసించి, చక్కగ చదువులు చదవ గలం... !

 గొప్పవారిగా ఎదగగలం... !!

 సుఖ, సంతోషాలతో... 

  ఆనందంగా  బ్రతక గలం !!!

     *******