నోటి దురద మాటలు; -శంకరప్రియ., శీల.,--సంచారవాణి: 99127 67098

 👌నోటి దురద మాటలు
తలబొప్పి కడతాయి!
      ఆలు మగలకు నైన!
ఆత్మ బంధువులార!
👌ఎంత వారల కైన
చేదు అనుభవ మొసగు!
     నోటి దురుసు మాటలు!
ఆత్న బంధువులార!
            (ఆత్మ బంధు పదాలు. శంకరప్రియ., )
👌"మాటకు మాట తెగులు! నీటికి నాచు తెగులు!" అని, ఆర్యోక్తి! కనుక, మనము పలికే పలుకులు.. ప్రియముగా నుండాలి! గాని, కఠినముగా నుండకూడదు! పిన్నలైనా, పెద్దలైనా.. మాటల సందర్భములో ఆచితూచి, తక్కువగా మాట్లాడాలి!
👌ఒక ఇంటి యాజమాని.. కవిగారు! తన అర్ధాంగిని పిలిచి; "ఈ రోజు కూర ఏమిటి?" అని, అడుగగా; "కంద కూర" అని చెప్పింది! దానికా కవిగారు, ప్రాస కుదురు తుందని; "నీ బొంద కూర" అని, పలికాడు! అంతే.. శ్రీమతికి కోపం వచ్చింది! ఆ కోపావేశములో.. ఏమి చేసిందో తెలియదు గాని; శ్రీవారి తలకు మాత్రం బొప్పికట్టింది! చేతికి కట్టుకట్టారు!
👌ఆలు మగలకు, అన్న దమ్ములకు.. ఏ సమయమందు నైనా మాటలు.. తూటాలు కాకూడదు! తేనెలొలుకు పలుకులుగా నుండాలి! తస్మాత్ జాగ్రత్త!
     🚩తేటగీతి🚩
       👌"నేటి కూర యేమి"టనుచు నే నడుగగ,
           "కంద" యనగ సతి, కవిని గాన, ప్రాస
            కుదిరెనని యన "నీ బొంద కూర", యపుడు
             బొప్పి కట్టెనా తలపైన పొలతి వలన!
          ( నా శ్రీమతి చాల మంచి దండోయ్!  )
( అనుసృజన: "సాహితీ బంధు" తోపెల్ల బాల సుబ్రహ్మణ్య శర్మ.,)